goha
مؤسس الموقع
علم بلدك : 
الجنس : 
نقاط : 19365
عدد المساهمات : 2836
السٌّمعَة : 22
تاريخ التسجيل : 30/07/2009
العمر : 36
 https://goha.ahlamontada.com
 |  موضوع: من طرائف البيت المصري (( والنبى مكنوهم ))  الأربعاء 05 أغسطس 2009, 2:04 pm | |
| والنبي مكنوهم
جريت فوزيه العايقه على الشباك .........
ورقعت لها صوتين حياني ..........
((جابوا)) إلى ساكنين فى اخر الحاره .........
(( يالهوي )) ..... يا خرابى ..... يامصيبتى .......
الحقونى يا عالم .......
الراجل دماغه (( خربت )) وجابت (( زيت ))
واتلم (( البشر )) حوالين العماره , و وقفوا ......
يبصوا لبعض مش عارفين يعملوا ايه او يتصرفوا ازاى
......
لغاية ما زعقت فيهم (( وليه )) كانت بتنقى خضار ....
انتو واقفين كده ليه ؟ واحد يطلع يشوف فى ايه !......
وانقسم الجمهور الوقفين ...... على مين يطلع
ولما زاد (( الصويت )) اضطرت واحده من المتفرجين على ما يحدث ان تعلن تطوعها ....... وطلعت
وخبطت على الباب وسط سماعها لاصوات لحاجات
(( بتتقلب )) على بعضها واصوات رجلين بتجري وتدور فى الشقه ....
وفجاه سكت كل شئ ..... فاعدت الوليه (( الدق )) ...
فانفتح الباب على فوزيه .... ومن خلفها ... مشهد .. جوزها ...(( مرمى )) على الكنبه .... وسايح فى دمه..
خير يا بت ... في ايه ؟
ابدا خناقه عاديه وعدت ...
فهمينى (( ايه الى حصل )) ؟
ابدا ياختى .... الحكايه ... انى بقالى مده ....
باسمع فى التليفزيون والراديو ناس عماله تقول :
(( تمكين المراه )) ..... تمكين المراه
رحت (( للمنيل )) على عينه (( جوزى )) .......
وقلتله )) اسمع )) انا عاوزه ((اتمكن ))
عمل مش سامع فكررت الكلمه .. انا عاوزه (( اتمكن ))
الاول طلع صوت من مناخيره ... وطنش ..وعمل فيها عبيط ... ما سبتهوش ... ووقفت على دماغه وزغرتله
.... وعليت صوتى الى تمكنوا مش احسن منى .... سابنى شويا ... وفجاه راح قايم و (( عافقنى )) من قفايا ... ودخل بيا على الاوضه اللى فيها ماكينه الخياطه
وقالى ...... وهو بيزقنى على الماكينه ... وحياه امك لامكنك على الاخر واخلى (( جتتك )) كلها غرز ...
رحت (( من ولاه )) بالحله .... طب ....
الا قوليلى يا اختى .... هى النسوان الفله (( المدندشه )) الى بنشوفها فى التليفزيون دى ....
اتمكنوا .... (( مكن )) ولا خدوها خيط وابره
| |
|
ابن فلسطين
عضو خاص
علم بلدك : 
الجنس :
نقاط : 11535
عدد المساهمات : 217
السٌّمعَة : 0
تاريخ التسجيل : 02/08/2009
العمر : 57
| | موضوع: رد: من طرائف البيت المصري (( والنبى مكنوهم )) الخميس 06 أغسطس 2009, 4:22 pm | |
| نحن بانتظار المزيدحلوووووووووووووووووه | |
|
الرئيسية 
