عبارات مختصرة ورائعة في كيفية التعامل مع الأطفال

عبارات مختصرة ورائعة في كيفية التعامل مع الأطفال :
-----------------------------------------------------------

1ـ اذا عاش الطفل في جو من التشجيع يتعلم الثقة بالنفس.
اتعودي لو عمل حاجة حلوة كافئيه ولو عمل حاجة غلط عاقبيه بس في الاول والاخر متنسيش ده طفل )


2ـ اذا عاش الطفل في جو من التحمل يتعلم الصبر.
حاولي متعطيهوش كل حاجة عشان يعرف انه مرة في ومرة مفيش وانه كله بيد الله ويتعلم الصبر


3ـ اذا عاش الطفل في جو من المديح يتعلم الرضى والمحبة.
طول ما انتي دايما بتكافئيه لما يعمل حاجة صح ولو بالشكر هيتعود يشكر على الاقل لما حد يعمله حاجة كويسة


4ـ اذا عاش الطفل في جو من المشاركة يتعلم العطاء والكرم
اولادي بخليهم يرتبوا معايا و يساعدوني في ترتيب السفرة عشان يتعودوا يشاركوا لما يكبروا


5ـ اذا عاش الطفل في جو من النزاهه يتعلم الصدق.
فعلا لو وعدتيه بشئ فلازم توفي حتى ولو حاجة بسيطة جدااااا لازم توفي بيها
واياكي والكذب امامه


6ـ اذا عاش الطفل في جو من الانصاف يتعلم العدل.
فعلا واولا المساواة في الحب بين الابناء عدل
وقال رسول الله صلى الله عليه وسلم "اعدلوا بين ابنائكم اعدلوا بين ابنائكم اعدلوا بين ابنائكم"


7ـ اذا عاش الطفل في جو من مراعاة المشاعر يتعلم الاحترام
لازم نخليه يحترم الكبير وميعليش صوته على حد كبير حتى ولو على سبيل الهزار


8ـ اذا عاش الطفل في جو من المحاسبة والانتقاد يتعلم الكذب
الطفل بيبدأ يكذب لما يلاقي الام او الاب واقفين له على الواحدة بس مش تشوفي ابنك بيعمل حاجة غلط وتسكتي لازم المتابعة اول باول بس بهدوء


9ـ اذا عاش الطفل في جو من الاحباط والعنف يتعلم العدوان.
لازم تخليه يزور اقاربه عشان يكون اجتماعي وشجعيه عشان يكون له شخصية مستقلة


10ـ اذا عاش الطفل في جو من الخوف يتعلم الضعف والقلق.
دايما عرفي ابنك اننا مبنخافش من حد طول ما ربنا معانا واطاعته لامه وابوه احترام مش خوف انه دايما يقول الصدق عشان هو اللي بينجى طبعا بعدم ضربك له


11ـ اذا عاش الطفل في جو من الوحدة الاجتماعية يتعلم الانطواء.
حاولي تعرفيه باهمية صلة الرحم وثوابها ايه فتلاقيه بقى اجتماعي


12ـ اذا عاش الطفل في جو من السخرية يتعلم الخجل.
اوعي تتريقي عليه لو عمل حاجة غلط بالعكس خليه دايما يختار حاجته بنفسه من صغره وده هيخليله راي وشخصية


13ـ اذا عاش الطفل في جو من الغيرة يتعلم الحسد.
اوعي تفرقي بين اولادك دايما حاولي تكوني عااااادلة


14ـ اذا عاش الطفل في جو من الاهتمام الزائد يتعلم عدم الاعتماد على النفس.
خليه يساعدك في شغل البيت
خليه يجرب اي حاجة جديدة عشان يتعلم بس لازم تكوني معاه في الاول


يارب اكون افدتكم
انا حابة اننا نربي اولادنا على طريقة صح
عشان نخليهم شباب نفتخر بيهم امام العالم كله
ويكون عملنا اهم واجب علينا كامهات في حياتنا

يارب بارك لنا في اولادنا واجعلهم من حفظة
واهديهم واجعلهم نافعين للاسلام والمسلمين